Powered By Blogger

Tuesday 18 December 2012

CALIFORNIA KING BED


Huuuu……….Huuum……… Pagmulat ng mata langit nakatawa  ♫ 

Ay Batibot theme pala yun. 

Ibahin ko.... "THE MOMENT I WAKE UP" ♫

Hehehe! Ang lamig naman ngayung umaga…. Pero ok lang, masayang gumising sa umaga kapag may dahilan ang bawat gising mo… Yiiiihiiiiiiiiiiiiiiii! In love na naman ako ah! Twing umaga na lang. Dum-di-dum-di-dum…. Pakanta-kanta kong sabi habang naliligo sa shower na medyo may kalamigan rin ang tubig! Pero kahit yata yelo pa itong ipaligo ko, iinit dahil sa pagmamahal ko… Wahahaha!
Sabi nila kapag umiibig daw ang isang tao, nababaliw! Ummm…. Maaring tama nga! Paano ba naman, katatapos lang ako pagalitan ng bwiset kong Boss, pero sige lang smile pa rin… Hehehehe! Wala akong magagawa, mas nakikita ko yung mukha NYA na nakangiti kesa sa ilong ng Boss kong kasya yata itong keyboard ko kapag ipinasak ko sa sobrang asar sa bunganga nya!
Ring! Ring! Ring! Walang humpay ang telepono, ayan na naman iilang kliyente na naman ang siguradong sisigaw dahil hindi naideliver on time ang mga orders nila! Aba! Kasalanan ko ba may  bagyo ngaun sa Luzon at ultimo yata anghel sa langit matatakot lumipad sa sobrang lakas ng hangin. Pasensya sila! Ganun talaga… Forces of Nature eh… Parang LOVE…. Di mapipigilan… Force of Nature! Yun oh! Siningit na naman ang LOVE…. Hehehe! At Inulit pa…
Hahaha! Sige na nga…. Smile na rin sa phone kahit minumura na ako nitong bumbay na to! Leche! Akala nya ba sila lang nangangailangan? Kailangan ko rin yang kikitain dyan noh! Pero gayun pa man, ok lang rin. Mamaya tatawag si crush, mawawala lahat ng asar…. Ang tagal naman! Haaaay………. Makakain na nga lang.

Huh??!!! Wala na naming natirang ulam sa Canteen? Bwiset talagang kainan dito sa opisina! Sana binibilang nila kung ilan empleyado nila at nagluluto ng sapat para sa lahat…. Paano ba yan? Tinapay na naman ang kakainin ko buti na lang may kasamang orange juice. Kahit papano nakakawala ng asar! ???
Nasa kalagitnaan na ako ng precious bread ko na sobrang tigas na, sana naman Manang ilalagay sa container diba? Para di naman ganitong katigas! Sarap ng ibato sa katapat na table ko eh! (Inggit sa sarap ng kinakain nya~~hahaha!) TUT! TUT! Uyyyy! May nag-text, si Crush na naman pala… “HELLO,ANONG LUNCH MO?” Laglag naman ako sa upuan, ang sarap naman ng tinapay na to… Ito na yata ang pinakamasarap na tinapay na natikman ko sa buong-buhay ko…. Hehehe!

Uwian na, at as usual, wala na naming bus pa-Norte, at syempre, napahaba ng pila sa MRT na akala mo si Manny Pacquiao ang nagbebenta ng ticket kaya ganyan kahaba ang pila, autograph siging ni Pacman! Hahaha! Akalain mong nakakatawa pa rin pala ako… Naalala ko na naman kasi si crush, siguro maayos na syang nakauwi sa kanila. Buti naman, ok lang ako basta ok sya… Yiiihiiiii!!!!! Maghapong kinilig, parang tanga lang!
Eto na naman ako sa kama kong napakalamig, IN MY CALIFORNIA KING BED! Hahaha! Actually, single bed lang, kaso walang katabi kaya eto, feeling ko ang laki ng kama… Wide spread na nga ang mga hita, ang luwag pa rin, kelan ko kaya makakatabi matulog si crush??? Nampucha! Naks naman talaga! Hanggang sa pagtulog? Istorbo kah! Hahaha! Dibale, I’ll think of you na lang before I sleep para paggising ko, ikaw ulit…. Parang CHRISTMAS BONUS lang sa opisina, “Hindi mapapasakin, pero napapangiti ako kapag naiisip ko!”
Baliw nga daw bang magmahal??? Sa tingin ko… Medyo…. Zzzzzzzzzzzzzzzzzzzzzzzzzz!             

~~Anonymous (Sino ba tong si Anonymous? Kelan kaya magkakaapelyido?) zzzzz…………


No comments:

Post a Comment